Ginoo among Amahan,
Midangop kami Kanimo sa among mga panginahanglan
ug nangayo kami sa Imong panalipod batok sa hulga sa COVID-19
nga mitakboy sa daghan nang mga tawo
ug mikalas sa ubay-ubay na nga kinabuhi.

Nangamuyo kami sa Imong Grasya alang kanila nga gitahasan 
sa pagtuon kon unsa’ng matang kini nga sakit ug kon unsa ang hinungdan niini,
ug sa ilang pagpaningkamot sa pagpangita’g paagi 
nga masanta ang pagkuyanap niini.

Giyahe ang huna-huna ug mga kamot sa mga experto sa natad sa medisina,
aron inubanan sa kalooy ug sa ilang kahanas,
sila muhatag ug pagtagad ug mag-atiman niadtong mga nasakit.

Giyahi usab ang panggamhanan ug ang mga pribadong ahensya
nga sila mapadayunong mangita ug solusyon ug katambalan
niining maong epidemya

Naga-ampo kami kanila nga gitakbuyan sa maong sakit
nga sila unta mahibalik na sa ilang himsog nga pagnglawas.

Ihatag kanamo ang Grasya sa kanunay nga pagpaningkamot
alang sa kaayohan sa tanan
diha sa pagtabang sa mga nanginahanglan.

Kini among gipangayo pinaagi sa among Ginoong JesuCristo, Imong Anak,
nga nagapuyo ug nagahari uban Kanimo ug sa Espirito Santo,
Dios nga usa hangtud sa kahangturan. Amen

Maria, panabang sa tanang Kristiyano: Ig-ampo mo kami.
San Rafael, Arkanghel: Ig-ampo mo kami.
San Roque: Ig-ampo mo kami
San Lorenzo Ruiz: Ig-ampo mo kami.
San Pedro Calungsod: Ig-ampo mo kami.